Posted by രൂപ : ടാ നീ ഇന്നലെ പറഞ്ഞതൊക്കെ എന്നെ കളിപ്പിക്കാൻ വേണ്ടി പറഞ്ഞതല്ലേ
ആദി : നിനക്ക് അങ്ങനെ തോന്നിയല്ലേ ശെരിയാ ഞാൻ ഒട്ടും തയ്യാറെടുപ്പില്ലാതെയാ നിന്നോട് സംസാരിച്ചത് ഞാൻ ഇന്നലെ എല്ലാം കുളമാക്കി സോറി ടീ ഞാൻ ആദ്യമായിട്ടാ ഒരാളോട്… അതാ അങ്ങനെ പറ്റിപോയത് പക്ഷെ ഞാൻ പറഞ്ഞതൊക്കെ സത്യമാ ഐ റിയല്ലി ലവ് യു
രൂപ : ആദിത്യാ
ആദി : ആദിത്യാന്നോ നീ എന്നെ അങ്ങനെയല്ലല്ലോ വിളിക്കാറ് എന്നെ ഇങ്ങനെ കളിപ്പിക്കല്ലേ ഇത് നല്ല ബോറായിട്ടുണ്ട് കേട്ടൊ
രൂപ : എനിക്കിഷ്ടമല്ല
ആദി : എന്താ
രൂപ : എനിക്ക് നിന്നെ ഇഷ്ടമല്ലെന്ന് ഞാൻ നിന്നെ അങ്ങനെയൊന്നും കണ്ടിട്ടില്ല
ഇത് കേട്ട ആദിയുടെ മുഖം വേഗം മാറി
ആദി : നീ എന്നെ കളിപ്പിക്കാൻ വേണ്ടി പറയുന്നതാണോ
രൂപ : ഇത് കളിയാണെന്ന് നിനക്ക് തോന്നുന്നുണ്ടൊ
ആദി : എന്നെ ഇഷ്ടപെടാതിരിക്കാൻ എന്താ കാരണം
രൂപ : ഇനി എല്ലാം നിന്നോട് വ്യക്തമാക്കണോ എനിക്കിഷ്ടമല്ല അത്ര തന്നെ😡
ആദി : നീ എന്തിനാടി ദേഷ്യപ്പെടുന്നെ ഇഷ്ടമില്ലെങ്കിൽ സാരമില്ല നമുക്ക് ഇപ്പോഴത്തെ പോലെ..
രൂപ : നീ ഇനി എന്നോട് മിണ്ടരുത് നമ്മൾ തമ്മിൽ ഇനി ഒരു ഫ്രണ്ട്ഷിപ്പും വേണ്ട
ആദി : നീ എന്തിനാ ഇങ്ങനെയൊക്കെ പറയുന്നെ ഇന്നലെ നീ പറഞ്ഞത് മറന്നു പോയോ നമുക്കെപ്പോഴും ഫ്രിണ്ട്സ് ആയിരിക്കാം എന്നല്ലേ നീ പറഞ്ഞത് നീ പിണങ്ങിയാലും അങ്ങോട്ട് വന്ന്
രൂപ : കോപ്പ്.. ഞാൻ പറഞ്ഞില്ലേ എനിക്ക് നിന്നോട് ഇഷ്ടവുമില്ല ഫ്രിണ്ടുമാകണ്ട ദയവ് ചെയ്ത് ഒന്ന് പോയി താ അടുത്ത് ഇടപഴകിയാൽ ഉടനെ പ്രേമം..
ആദി : മതി രൂപേ വെറുതെ വഴക്കിനു വരണ്ട ഞാൻ പറഞ്ഞതൊക്കെ മറന്നു കളഞ്ഞേക്ക് വാ നമുക്ക് ക്ലാസ്സിൽ പോകാം
ഇത്രയും പറഞ്ഞു ആദി രൂപയുടെ കയ്യിൽ പിടിച്ചു എന്നാൽ രൂപ പെട്ടെന്ന് തന്നെ ആദിയുടെ കൈ തട്ടി മാറ്റി
രൂപ : എന്റെ ദേഹത്ത് തൊടരുത് നീ പോയേ