Posted by അന്നമ്മ ഉദ്വേഗത്തോടെ ചോദിച്ചു.
“എന്നതാടാ കൊച്ചെ?”
എമിലിയും ആകാംക്ഷയോടെ തിരക്കി.
“അതിപ്പം…”
കറിയാച്ചൻ മറുപടി പറയാതെ വിഷമിച്ചപ്പോൾ ആനി അന്നമ്മയേയും എമിലിയെയും മാറി മാറി നോക്കി.
“കാര്യം വളച്ചുകെട്ടില്ലാതെ നേരെ അങ്ങ് പറയാം….കൊച്ചിന്റെ അക്കൗണ്ടിൽ ഇപ്പോൾ നാൽപ്പത് ലക്ഷം രൂപയുണ്ട്…”
അന്നമ്മയും എമിലിയും പരസ്പ്പരം നോക്കി.
“പക്ഷെ എങ്ങനെ?”
അന്നമ്മയും എമിലിയും ഒരേ പോലെ ചോദിച്ചു.
“ചേച്ചി …അത് തട്ടിപ്പ് ഒക്കെ നടത്തി ഉണ്ടാക്കീത് അല്ല…ശരിക്കുംപണിയെടുത്തിട്ട് തന്നെയാ…”
“നീ ഒന്ന് പറ ആനി”
എമിലി അക്ഷമ കാണിച്ചു.
“അതേ…”
അന്നമ്മയുംപറഞ്ഞു.
“ഇത്രേം കാശ് എങ്ങനെയാ ചേട്ടായീടെ അക്കൗണ്ടിൽ?”
“ഞങ്ങള് ഒരു വെബ് സീരീസ് എടുത്തു …വീഡിയോ…അതിനുള്ള പ്രതിഫലം..അതിനുള്ളത് ഇരുപത് ..പിന്നെ അടുത്ത ചെയ്യാൻ പോകുന്നെന്റെ അഡ്വാൻസ് ഇരുപത്…”
അത് പറഞ്ഞ് ആനി അന്നമ്മയേയും എമിലിയേയും മാറി മാറി നോക്കി.
“നീയൊന്ന് വ്യക്തമായി പറ എന്റെ ആനി..”
എമിലി സ്വരം കടുപ്പിച്ച് പറഞ്ഞു.
“ചേച്ചി …ശകലം എരീം പുളീം ഒള്ള ഒരു വീഡിയോ ഞങ്ങള് ഉണ്ടാക്കി ..അത് അമേരിയ്ക്കേലെ ഒരു വലിയ സ്റ്റുഡിയോ ..വാർണർ ബ്രദേഴ്‌സ് എന്നാ അതിന്റെ പേര്…”
“ഏഹ്?”
അന്നമ്മ അദ്‌ഭുതത്തോട് കറിയാച്ചനെയും ആനിയേയും മാറി മാറി നോക്കി.
“വാർണർ ബ്രദേഴ്‌സോ? ഹോളിവുഡ് സിനിമ ഒക്കെയുണ്ടാക്കുന്ന ആവലിയ കമ്പനിയോ? നേര്?”
“നേരാടീ കൊച്ചെ…അവരുടെ ഇന്ത്യയിലെ അസോഷിയേറ്റ്സ് ആണ് ഈറോസ് പ്രൊഡക്ഷൻസ് …അവർക്കാ വീഡിയോ സബ്മിറ്റ് ചെയ്തേ..അവരത് വാർണർ ബ്രദേഴ്‌സിന്റെ ആൾക്കാർക്ക് സബ്മിറ്റ് ചെയ്തു..അവർക്കതങ്ങ് വല്ലാതെ പിടിച്ചു…അന്നേരം തന്നെ അതിന്റേറെമ്യൂണറേഷനും തന്നു…”
സന്തോഷം കൊണ്ട് വിടർന്ന കണ്ണുകളോടെ അന്നമ്മയും എമിലിയും വീണ്ടും അങ്ങോട്ടുമിങ്ങോട്ടും നോക്കി.
“എടീ…”
പെട്ടെന്ന് എമിലിയുടെ സ്വരം മാറി.
“നീയെന്ന പറഞ്ഞെ?എരിവും പുളിയും ഉള്ള വീഡിയോയോ?”
“ആം…” ആനി ലജ്ജയോടെ എമിലിയെ നോക്കി.