Posted by അങ്ങനെ എന്റെ അച്ഛനും മാമന്മാരും ബന്ധുക്കളുമൊക്കെ കൂടി മഞ്ജുസിന്റെ വീട്ടിലേക്ക് ഒരു ഔദ്യോഗിക പെണ്ണുകാണലിനു പോയി . മഞ്ജുസിനെ കുറിച്ച് ഞാൻ സൂചിപ്പിച്ചിരുന്നെങ്കിലും അവളുടെ വീടും ചുറ്റുപാടും ഒക്കെ അറിഞ്ഞപ്പോൾ ഏവരും ഒന്ന് ഞെട്ടി ..
തറവാട് മഹിമ നോക്കിയാലും , സാമ്പത്തിക സ്ഥിതി നോക്കിയാലും മഞ്ജുസ് എന്നേക്കാൾ വളരെ മുകളിൽ ആണ് . പൂത്ത കാശാണ് !
എന്റെ അമ്മായിയപ്പൻ ആള് മാന്യൻ ആയതുകൊണ്ട് മഞ്ജുസിന്റെ എല്ലാ കാര്യങ്ങളും തുറന്നു പറഞ്ഞു . ഒരു കല്യാണം ആദ്യമേ മുടങ്ങിയെന്നും , രണ്ടാമത്തേത് ഡിവോഴ്സ് നടക്കുവാണെന്നും അങ്ങേരു അച്ഛനെയും വീട്ടുകാരെയും ധരിപ്പിച്ചു.
ഡിവോഴ്സ് കിട്ടിയാലുടൻ എന്റെയും മഞ്ജുസിന്റെയും കല്യാണ നിശ്ചയം നടത്താമെന്നും അവർ തമ്മിൽ ധാരണയുണ്ടാക്കി പിരിഞ്ഞു .
“അപ്പോൾ എല്ലാം പറഞ്ഞ പോലെ…”
ഇറങ്ങാൻ നേരം മഞ്ജുസിന്റെ അച്ഛൻ എന്റെ അച്ഛനെ ആലിംഗനം ചെയ്തുകൊണ്ട് പറഞ്ഞു . മഞ്ജുസിന്റെ അമ്മയ്ക്കും മുത്തശ്ശിക്കും അത്ര തൃപ്തി ഇല്ലായിരുന്നെങ്കിലും മഞ്ജുസ് കടും പിടുത്തം പിടിച്ചപ്പ്പോൾ അവരും അലിഞ്ഞു .
“ഓക്കേ….മോന് ജോലി എന്തേലും ആയിട്ട് മതി കല്യാണം ഒക്കെ ”
അച്ഛൻ ഒരു മര്യാദ പോലെ പറഞ്ഞു .
മതിയെന്ന് മഞ്ജുസിന്റെ അച്ഛനും വാക് കൊടുത്തു . പിന്നെ ലൈസൻസ് കിട്ടിയ സന്തോഷം ആയിരുന്നു എനിക്കും മഞ്ജുസിനും .
പിന്നെ ആരെയും പേടിക്കേണ്ട കാര്യമില്ലല്ലോ . അവൾ വീട്ടിലേക്കൊക്കെ വിളിക്കാൻ തുടങ്ങി . അഞ്ജുവിനോടും അമ്മയോടുമൊക്കെ സംസാരിക്കാൻ തുടങ്ങി . ഞാൻ ഇടക്കു അവളുടെ വീട്ടിലും പോയി തുടങ്ങി .അങ്ങനെ അങ്ങനെ മഞ്ജുസിന്റെ അമ്മയേം മുത്തശ്ശിയെയും ഒക്കെ കൈയിലെടുത്തു. എന്റെ തമാശകളൊക്കെ അവർ ചിരിച്ചു ആസ്വദിക്കും . എന്റെ അച്ഛൻ അതിനിടയ്ക്ക് വീണ്ടും ദുബായിലോട്ടു തന്നെ തിരിച്ചും പോയി . സംഭവം ഒക്കെ ശരി..നോക്കീം കണ്ടുമൊക്കെ നടന്നോണം എന്നൊരു ഉപദേശം മാത്രമാണ് അച്ഛൻ പോകാൻ നേരം വെച്ചത് .
പക്ഷെ അന്നത്തെ ഹോസ്പിറ്റൽ ഇൻസിഡന്റിനു ശേഷം ഞങ്ങൾ പിന്നെ ബെഡിൽ ഒരുമിച്ചു കിടന്നിട്ടില്ല എന്നതാണ് സത്യം..അതിനുള്ള സമയം കിട്ടിയിട്ടില്ല . വെക്കേഷൻ കഴിഞ്ഞതോടെ മഞ്ജുസിനു വീണ്ടും കോളേജ് തുടങ്ങി . അവൾ പതിവ് പോലെ കോളേജിൽ പോയി തുടങ്ങി. ഇടക്ക് ഞാൻ തന്നെ അവളുടെ കാറുമെടുത്തു കൊണ്ട് വിടാനും പിക് ചെയ്യാനും പോകും , എനിക്കും കോഴ്സ് ഉണ്ട്. ഒഴിവു ദിവസം ഞങ്ങൾ എവിടെയെങ്കിലുമൊക്കെ കറങ്ങാൻ പോകും .