Posted by അമ്മായിയും അതോടെ ട്രാക്കിൽ കേറി .
“ഹ്മ്മ്..ബെസ്റ്റ് സ്വഭാവം ….”
ഞാനതുകേട്ടു മനസിൽ പിറുപിറുത്തു .
പക്ഷെ വീട്ടുകാരുടെ അനുകൂല റെസ്‌പോൺസ് കണ്ടതോടെ വീണയുടെ മുഖം ഒന്ന് പ്രസാദിച്ചു . മല പോലെ വന്നത് ഏലി പോലെ പോയി എന്ന പോലെ ആയി കാര്യങ്ങൾ . ഒറ്റ വക്കിൽ ഒരു കല്യാണം റെഡി ആയി .
“ആഹ്..ശ്യാം നല്ല പയ്യനാ..ഇനി ഇവളുടെ കാര്യം കൂടി അറിഞ്ഞാൽ നമുക്കങ്ങട് ശരിക്കും ആലോചിക്കാം അല്ലെ ആന്റി ?”
മഞ്ജുസ് എന്നെ നോക്കി കണ്ണിറുക്കികൊണ്ട് അമ്മായിയെ നോക്കി .
“ഹ്മ്മ്..ആലോചിക്കുന്നതിൽ ഒന്നും തെറ്റില്ല….പക്ഷെ ഇവളുടെ ചേട്ടന്മാരോടൊക്കെ ഒന്ന് ചോദിക്കണം ..പിന്നെ അവരല്ലേ ആലോചന ആയിട്ട് ഇങ്ങോട്ടു വരേണ്ടത് ”
അമ്മായി അതിലെ നൂലാമാലകൾ വിശദീകരിച്ചു .
“അതൊക്കെ ചോദിച്ചിട്ട് അമ്മായി പറ ..ഞാൻ അവന്റെ വീട്ടില് വേണേൽ കാര്യം പറയാം ”
ഞാൻ കാര്യായിട്ട് തന്നെ തട്ടിവിട്ടു .
“നിനക്ക് വല്ല എതിർപ്പും ഉണ്ടോടീ വീണേ ?”
മഞ്ജുസ് പെട്ടെന്ന് വീണയെ നോക്കി പുരികം ഇളക്കി .
“ആഹ്..വന്നു നോക്കട്ടെ ..ഞാൻ കണ്ടിട്ട് പറയാം ”
വീണ സ്വല്പം വെയ്റ്റ് ഇട്ടു നിന്ന് അഭിനയം ശക്തമാക്കി .
“ആഹ്…എന്തായാലും വരാൻ പറഞ്ഞോ..ജാതകം ഒകെ ശരിയാണേൽ നമുക്ക് ആലോചിക്കാം കണ്ണാ ”
എല്ലാം കേട്ട് ഉമ്മറത്തിരുന്ന കൃഷ്ണൻ മാമയും അതിനു സമ്മതം അറിയിച്ചു .
“ഹ്മ്മ്….”
ഞാൻ മൂളികൊണ്ട് വീണയെ നോക്കി . അവളുടെ മുഖത്തും കാര്യം വർക്ക് ഔട്ട് ആയ സന്തോഷം ഉണ്ടായിരുന്നു!
പിന്നെ മഞ്ജുസും വീണയും കൂടി അതേപ്പറ്റി കുറച്ചുനേരം സംസാരിച്ചിരുന്നു . അതിനു ശേഷം ഞങ്ങള് ബിന്ദു അമ്മായിയുടെ വീട്ടിൽ പോയി ഉച്ചവരെ അവിടെ ചിലവഴിച്ചു . ബിന്ദു അമ്മായിയുടെ മക്കളായ രാഗേഷും അഞ്ജലിയും വീട്ടിൽ തന്നെ ഉണ്ടായിരുന്നു .
ആദിയെയും റോസിമോളെയും കളിപ്പിച്ചു അവരും ആ നിമിഷങ്ങൾ എൻജോയ് ചെയ്തു . അഞ്ജലി ഡിഗ്രിക്ക് പഠിക്കുന്നത് മഞ്ജുവിന്റെ കോളേജിൽ തന്നെയാണ് . അതുകൊണ്ട് അവര് തമ്മിൽ നല്ല അടുപ്പം ആണ് . അതുകൊണ്ട് അഞ്ജലി എന്നോട് കോളേജ് വിശേഷങ്ങളൊക്കെ പറഞ്ഞിരുന്നു .
“മായേച്ചിയും മഞ്ജുസും ഒകെ കോളേജിൽ ഉള്ളോണ്ട് നിന്റെ കാര്യം ഒകെ കഷ്ടാവും അല്ലേടി ?”
ഉമ്മറത്ത് സംസാരിച്ചിരിക്കെ ഞാൻ അഞ്ജലിയോടായി തിരക്കി . അവള് റോസിമോളെയും മടിയിൽ വെച്ച് കൊഞ്ചിക്കുന്നുണ്ട് .
“അതേടോ കണ്ണേട്ടാ…ഒരു ഫ്രീഡവും ഇല്ല. വല്ല ബോയ്‌സുമായി സംസാരിച്ചു നിക്കുന്നത് കണ്ടാൽ തന്നെ രണ്ടും കൂടി കണ്ണുരുട്ടും ”
കോളേജിലെ അവസ്ഥ ഓർത്തു അഞ്ജലി ചിരിച്ചു .