Posted by “ഹ്മ്മ്..നോക്കട്ടെ …ഇത് കഴിഞ്ഞിട്ട് അവനെ കൂടി വിളിക്കണം …അവനിപ്പോ നിന്റെ മാമന്റെ മോളുമായിട്ട് ഫുൾ ചുറ്റിക്കളി ആണല്ലേ ?”
കിഷോർ എല്ലാം അറിയാവുന്ന പോലെ തിരക്കി .
“ഹ്മ്മ്….അതെ അതെ…എത്രയും വേഗം രണ്ടിനേം കെട്ടിക്കണം …ഇപ്പൊ തന്നെ അവിടേം ഇവിടേം ഒക്കെ പോണുണ്ടോ എന്ന് എനിക്ക് ഡൗട്ട് ഉണ്ട് ”
ഞാൻ അർഥം വെച്ചുതന്നെ പറഞ്ഞതും മറുതലക്കൽ കിഷോർ പൊട്ടിച്ചിരിച്ചു .
“ഹ്ഹ ഹ ..എന്തുവാടെ …”
എന്റെ മറുപടി കേട്ട് അവൻ ചിരിച്ചു .
“എന്നാപ്പിന്നെ മച്ചാനെ നീ വെച്ചോ …എന്റെ മോള് ഇവിടെ ചൂടാവുന്നുണ്ട് ”
റോസ്‌മോളുടെ പുരികം ചുളിച്ചുള്ള നോട്ടം കണ്ടു ഞാൻ ചിരിച്ചു .
“ഹ ഹ ..ഓക്കേ ഓക്കേ …”
കിഹോറും അത് സമ്മതിച്ചു . അതോടെ ഞാൻ വേഗം ഫോൺ പോക്കെറ്റിലെക്കിട്ടു റോസിമോളെ നോക്കി ചിണുങ്ങി .
“എന്താടി നോക്കണേ ?”
അവളുടെ കഴുത്തിൽ എന്റെ താടി ഉരുമ്മിക്കൊണ്ട് ഞാൻ ചോദിച്ചു . അതോടെ പെണ്ണ് ഇക്കിളി എടുത്തു ചിരിക്കാൻ തുടങ്ങി .
“ഹി ഹി ഹി..ചാ ച്ച…”
അവള് കയ്യും കാലും ഇട്ടടിച്ചു എന്റെ കയ്യിൽ കിടന്നു ചിരിച്ചു . സ്വല്പ നേരം അവളുമായി ഞാൻ മുറ്റത്തും റോഡിലുമൊക്കെ നടന്നു നേരം കളഞ്ഞു . പിന്നെ തിരികെ വീട്ടിലേക്ക് തന്നെ കയറി . അപ്പോഴേക്കും അമ്മായി ഞങ്ങൾക്കുള്ള ചായ എടുത്തു വെച്ചിരുന്നു .
വീണയും മഞ്ജുസും കൂടി സോഫയിൽ ഇരുന്നു എന്തൊക്കെയോ സംസാരിച്ചിരിക്കുന്നുണ്ട് . ഞാൻ ഹാളിലേക്കെത്തിയതോടെ മഞ്ജുസ് സംസാരം നിർത്തി എഴുനേറ്റു . പിന്നെ എനിക്കൊപ്പം ചായ കുടിക്കാനായി ഡൈനിങ് ടേബിളിലേക്ക് ഇരുന്നു .
“ഇനി ഊണ് കഴിച്ചിട്ടൊക്കെ പോയാൽ പോരെടാ ?”
കസേര വലിച്ചിട്ടിരുന്ന എന്നോടായി മോഹനവല്ലി അമ്മായി തിരക്കി .
“ആഹ്..നോക്കാം…എന്തായാലും ബിന്ദു അമ്മായിടെ അവിടെ പോയിട്ട് ഞങ്ങള് തിരിച്ചു വരാം .കുഞ്ഞാന്റിയുടെ അവിടെ ഉച്ചക്ക് ശേഷമേ പോകുന്നുള്ളൂ ”
ഞാൻ പയ്യെ പറഞ്ഞുകൊണ്ട് ചായ എടുത്തു ഊതി കുടിച്ചു . മുൻപിൽ ഇരിക്കുന്ന കേക്കും ലഡ്ഡുവും ഒകെ കണ്ടു റോസിമോള് മടിയിൽ ഇരുന്നു ബഹളം വെക്കുന്നുണ്ട് .
“എടുക്കാം…എടുക്കാം …ഒന്നടങ് പെണ്ണെ ”
അവളുടെ കുണുക്കം നോക്കി ഞാൻ ചിരിച്ചു . പിന്നെ ഒരു കേക്കിന്റെ പൊതി അഴിച്ചു ചെറിയ പീസ് എടുത്തു അവളുടെ കുഞ്ഞു വായിൽ ഇട്ടുകൊടുത്തു . അതോടെ റോസിമോള് അത് ആസ്വദിച്ച് നുണയാൻ തുടങ്ങി .
മഞ്ജുസും അതുപോലെ ആദിയെ ഊട്ടുന്നുണ്ട് .
“ഇവളുടെ കല്യാണ കാര്യം ഒകെ എന്തായി ആന്റി ?”
പെട്ടെന്ന് മഞ്ജുസ് വീണയെ നോക്കി ചിരിച്ചുകൊണ്ട് മോഹനവല്ലി അമ്മായിയെ നോക്കി .ഞങ്ങള് വന്ന ആഗമന ഉദ്ദേശം മഞ്ജുസ് തന്നെ പൊട്ടിച്ചിട്ടുണ്ട് .