Posted by “പറയാൻ പറ ..നിങ്ങള് ഒരേ കാസ്റ്റ് ഒക്കെയല്ലേ ? പിന്നെന്താ പ്രെശ്നം ? പോരാത്തതിന് നിനക്ക് ജോലിയും ഉണ്ട് ”
ഞാനവനെ പ്രോത്സാഹിപ്പിച്ചു .
“മ്മ്..വല്യ പൊട്ടലും ചീറ്റലും ഒന്നും ഉണ്ടാവില്ല എന്ന് വിചാരിക്കുന്നു . എന്തായാലും നീ കൊറച്ചു പൈസ തന്നു എന്നെ സഹായിക്കേണ്ടി വരും . കല്യാണം ഒക്കെ അല്ലേ”
കിഷോർ കളിയായി പറഞ്ഞു ചിരിച്ചു .
“പൈസ ഒന്നും വിഷയമല്ല മോനെ…എന്റെ കെട്ട്യോള് ഭയങ്കര റിച്ച് ആണ് ”
ഞാൻ അതുകേട്ടു പയ്യെ തട്ടിവിട്ടു .
“ആഹ്…ഞാൻ മുൻപ് ലീവിന് വന്നപ്പോ കണ്ടതല്ലേ ..അറിയാം ..നല്ല ലുക്ക് ആണ് ആ ചേച്ചി ”
കിഷോർ പയ്യെ പറഞ്ഞു .
“ചേച്ചിയാ?”
ഞാൻ അവൻ പറഞ്ഞത് കേട്ട് ഒന്ന് ചിരിച്ചു .
“പിന്നെ അല്ലാതെ …അതിനു എന്നേക്കാൾ ആറേഴു വയസ് മൂപ്പ് ഇല്ലേ ? നിന്റെ കെട്ട്യോൾ ആണെന്ന് വെച്ചിട്ട് ഞാൻ എടി..പോടീ എന്ന് വിളിക്കണ്ട കാര്യം ഇല്ലല്ലോ ”
കിഷോർ എന്നെ തിരുത്തികൊണ്ട് ചിരിച്ചു .
“അതൊക്കെ ഉണ്ട് …എന്നാലും ചേച്ചി എന്നൊന്നും വിളിക്കണ്ട..വന്നിട്ട് അവള് കേട്ടാൽ പിന്നെ നിന്നെ അടുപ്പിച്ചെന്നു വരില്ല ”
മഞ്ജുസിന്റെ സ്വഭാവം ഓർത്തു ഞാൻ ചിരിച്ചു .
“ഹ ഹ …അത് കൊള്ളാം…”
കിഷോർ അതുകേട്ടു ചിരിച്ചു .
“എന്നാപ്പിന്നെ മോനെ നീ കാര്യങ്ങളൊക്കെ ഫാസ്റ്റ് ആയിട്ട് നീക്കിക്കൊ …ബാക്കി വന്നിട്ട് കാണാം ”
ഞാൻ തീർത്തു പറഞ്ഞു .
“ഓക്കേ ഡാ ….അടുത്ത ശനിയോ ഞായറോ ലാൻഡ് ചെയ്യും ”
കിഷോർ ഒന്നുടെ വ്യകത്മാക്കി .
“അയ്യോ..അപ്പൊ ഞാൻ നാട്ടിൽ ഉണ്ടാവാൻ ചാൻസ് ഇല്ല..അഹ് എന്നാലും കൊഴപ്പം ഇല്ല…തിങ്കളാഴ്ച തിരിച്ചു എത്തും ”
പിള്ളേരുമായുള്ള പഴനി ട്രിപ്പ് ഓർത്തു ഞാൻ പയ്യെ തട്ടിവിട്ടു .
“ഏഹ്? നീ എവിടെക്കാ പോണേ?”
എന്റെ മറുപടി കേട്ട് കിഷോർ സംശയിച്ചു .
“പഴനി ..പഴനി ..പിള്ളേരുടെ മൊട്ട അടിക്കണം … ”
ഞാൻ ചിരിയോടെ തട്ടിവിട്ടു .
“ഹോ ..പറയുന്ന പോലെ നീ ഇപ്പൊ ഗൃഹനാഥൻ ആണല്ലോ അല്ലേ ”
എന്റെ അവസ്ഥ ഓർത്തു കിഷോർ കളിയാക്കി .
“മൈരേ..നീയും ഇതൊക്കെ അനുഭവിക്കാൻ ഉള്ളതാ ..അത് മറക്കണ്ട . എന്തായാലും ഞാൻ ശ്യാമിനോട് പറയാം നിന്നെ പിക്ക് ചെയ്യാൻ വരാൻ..കിട്ടുമെങ്കിൽ കോയമ്പത്തൂർക്കു തന്നെ ടിക്കെറ്റ് എടുത്തോ ”
ഞാൻ ഒരു ഉപദേശം പോലെ പറഞ്ഞു . എന്റെ സ്വല്പം ഉറക്കെയുള്ള സംസാരം ഒകെ റോസിമോള് നെറ്റി ചുളിച്ചുകൊണ്ട് നോക്കുന്നുണ്ട് . അവള് നോക്കുമ്പോഴൊക്കെ ഞാൻ ഒരുമ്മ കൊടുത്തു പെണ്ണിനെ അടക്കി നിർത്തും . ഞാൻ അവളെ തീരെ മൈൻഡ് ചെയ്യുന്നില്ല എന്ന് അവൾക്ക് തോന്നരുതല്ലോ !