Posted by എരുമകളെ വളർത്തി അതിന്റെ പാല് വിറ്റു ജീവിക്കുന്ന ഇടയന്മാർ. പച്ചക്കറികളുടെ പ്രത്യേക മാർക്കറ്റ്. ടെലിവിഷൻ മുതൽ തുണികൾ പലവ്യഞ്ജനങ്ങൾ എല്ലാം ലഭിക്കുന്ന സാധാരണക്കാരന്റെ ചെലവ് കുറഞ്ഞ ഗ്രാമച്ചന്ത!
രാഷ്ട്രഭാഷ സംസാരിക്കുന്ന ജനങ്ങൾ. വിദ്യാഭ്യാസം കുറവെങ്കിലും ഏതെങ്കിലും രീതിയിൽ പണമുണ്ടാക്കുവാൻ ഇവിടുത്തുകാർ മിടുക്കരാണ്.
അന്ന് ഇന്നത്തെപോലെ അല്ല, ധാരാളം മലയാളികൾ വാടകവീടുകളിൽ താമസിക്കുന്നു. അതിൽ ആണും പെണ്ണും ഒക്കെ ഉണ്ട്. അവിവാഹിതരാണ് അധികവും.
അടുക്കിയടുക്കി വച്ചിരിക്കുന്ന ഇഷ്ടികകൾ പോലെയാണ് ഇവിടുത്തെ വീടുകൾ. തുശ്ചമായ വിലയ്ക്ക് വാങ്ങുന്ന ഫ്ളാറ്റ് കൂമ്പാരങ്ങൾക്കു മീതെ വീണ്ടും വീണ്ടും ഇഷ്ടികകളടുക്കി മുകളിലോട്ടു മുറികൾ പണിതുയർക്കുന്നു.
ഇത്തരം സൗധങ്ങൾ സാമാന്യം നല്ല വാടകയിൽ തന്നെ മലയാളിക്ക് കൊടുക്കുന്നു. ജോലി തേടി എത്തുന്ന പലരും ഈ ഇഷ്ടികമഠങ്ങളിൽ കുടുങ്ങിപ്പോകുന്നു. ഒരുപക്ഷെ ജീവിതാന്ത്യം വരെ.
വീട്ടുകാരിൽ നിന്ന് അകന്ന്, സ്വാതന്ത്ര്യത്തിന്റെ പരമോന്നത ദിനങ്ങൾ വീണു കിട്ടുമ്പോൾ ആണും പെണ്ണുമെല്ലാം ഇവിടെ ജീവിതം ആർഭാടമാക്കി മാറ്റുന്നു. അത് അവരുടെ അവകാശവും ആവശ്യവുമാണ്. അവർ അറുമാദിക്കുന്നു എന്ന് പറയുന്നതാവും ശരി.
സദാചാര വിദഗ്ധന്മാരും മറ്റു സാമൂഹിക ദ്രോഹികളും ഈ പ്രദേശങ്ങളിൽ നിന്ന് അകന്ന് നിന്നതു കൊണ്ട് അങ്ങനെയും ഒരു ഭയപ്പാട് വേണ്ടായിരുന്നു.
പലരും കുടുംബ ബാധ്യതകൾ മറക്കുന്നു. ജീവിതത്തിന്റെ ലഹരിയിൽ സ്വാർത്ഥരായി മാറുന്നു.
ചില പ്രണയങ്ങളൊക്കെ വിവാഹത്തിൽ കലാശിക്കുന്നു. എന്നാൽ പലതും തട്ടിക്കൂട്ട് പ്രേമങ്ങളും അൽപ്പായുസുക്കളുമാണ്. ചുരുക്കം ചില മഹത്തായ ബന്ധങ്ങളും ഇവിടെ സംഭവിച്ചിട്ടുണ്ട്. പ്രഥമരാത്രിയോടെ മരണപ്പെട്ട എത്രയെത്ര മോഹനങ്ങളായ പ്രേമങ്ങൾ! ബർമൂഡാ ട്രയാങ്കിളിൽ വീണ ജെറ്റ് വിമാനം പോലെ!
അമ്പതു വർഷത്തിലേറെയായി വാടകവീടുകളിൽ എരിഞ്ഞമരുന്ന ജീവിതങ്ങൾ ഇന്നും അവിടെ കാണാം. മധുരകേളികളുടെ ആധിക്യത്താൽ ചോരയും നീരും വറ്റി പേക്കോലങ്ങളായ കുറെ ജൻമ്മങ്ങളും അവിടെ കാണാമായിരുന്നു. തൊഴിലൊന്നും ചെയ്യാതെ ഊണും ഉറക്കവും പിന്നെ ഊക്കുമായി ജന്മം ഹോമിച്ചു തീർക്കുന്നവർ.
അല്ലെങ്കിലും അങ്ങേനെയാണ് ദില്ലിയും പരിസരപ്രദേശങ്ങളും. ഒരിക്കൽ അകപ്പെട്ടുപോയാൽ പിന്നെ ഇവിടെ നിന്ന് രക്ഷപ്പെടുക അസാധ്യമാണ്. അത്ര സുഖകരമായിരുന്നു ഈ നാടിന്റെ മാസ്മരികത. തുശ്ചമായ പണം കൊണ്ട് ആർഭാടജീവിതം. ഉപ്പു തൊട്ടു അപ്പം വരെ വിലക്കുറവ്. മഹാസ്വാതന്ത്ര്യം. ആ സ്വാതന്ത്ര്യവും സുഖവും പരമാവധി അനുഭവിക്കാൻ എനിക്കും കഴിഞ്ഞു.