Posted by നിന്നെ… എന്തൊരു പൊട്ടനാടാ നീ..
:അല്ല ഞാൻ പറഞ്ഞതാ അവളോട് ഇവിടെ ഉറങ്ങണ്ട റൂമിൽ പൊയ്ക്കോ എന്ന്… പിന്നെ ഇവിടെ കിടന്ന് രണ്ടാളും ഉറങ്ങിപ്പോയി
(ഷിൽന ഉറക്കം ഞെട്ടിയപ്പോൾ ഇതാണ് കേട്ടത്. അവൾ മനസിൽ വിചാരിച്ചു… “തെണ്ടി കൂടെ നിന്നിട്ട് കാല് വാരുന്നത് കണ്ടാ.. ഉറക്കം നടിച്ച് കിടക്കാം എന്തൊക്കെ പറയും എന്ന് കേൾക്കാലോ.” )
: ആണോ കുഞ്ഞേ…
ഡാ കള്ളാ , എനിക്ക് അറിയാത്തത് ആണോ നിന്നെ. ഉം …മതി മതി ഉരുണ്ടത്..
അഞ്ജലിയെങ്ങാൻ മുകളിൽ വന്നാൽ കാണണ്ട എന്ന് കരുതിയിട്ടാണ് ഞാൻ കയറി വന്നത്.
: ഓഹ് അങ്ങനെ. അത് നന്നായി.
( ഉടനെ ഷിൽന എഴുന്നേറ്റ് എന്റെ വയറിന് ഒരൊറ്റ കുത്ത് വച്ചുതന്നു. )
: നുണയ…. എന്നോട് എപ്പോഴാ റൂമിലേക്ക് പോവാൻ പറഞ്ഞത്. എന്ത് സാധനം ആണ്. ഇതിന്റെ കൂടെ ആണല്ലോ ഇനി ജീവിക്കേണ്ടത്.
: എടി മോളേ… നീ എന്തിനാ അവനെ ഇടിച്ചത്. അങ്ങനൊന്നും ചെയ്യല്ലേ, എന്റെ കുട്ടിക്ക് വയ്യാത്തതാ ( അവൾ എന്നെ കുത്തിയത് കണ്ടപ്പോൾ അമ്മായിക്ക് എന്തോപോലെ ആയി)
: അച്ചോടാ… വയ്യാത്തൊരു കുഞ്ഞ്. കണ്ടാലും മതി
: അല്ലെങ്കിലും എന്റെ അമ്മായിക്ക് മാത്രമേ എന്നോട് സ്നേഹം ഉള്ളു..
ഇത് കേട്ട ഉടനെ ഷീയും അമ്മായിയും ഒരേ സ്വരത്തിൽ പറഞ്ഞു… ഉവ്വ ഉവ്വ…
ഇതും പറഞ്ഞ് എന്നെ മൂപ്പിക്കാൻ എന്നോണം ഷിൽന അമ്മായിയുടെ കവിളിൽ ഒരു മുത്തവും കൊടുത്തു കെട്ടിപ്പിടിച്ച് കുറച്ചുനേരം നിന്നു. അമ്മായിയും ആള് മോശമല്ല എന്നെ കാണിക്കാനായി അവളെയും കെട്ടിപിടിച്ചു നിന്നു. എന്നിട്ട് ഒളികണ്ണിട്ട് എന്നെ ഒരു നോട്ടവും.
<span;>യോഗില്ല അമ്മിണിയേ പായ മടക്കിക്കാളീന്നും പറഞ്ഞ് ഞാൻ നേരെ ബാത്റൂമിലേക്ക് വിട്ടു. അമ്മയും മോളും ചിരിച്ചുകൊണ്ട് റൂമിൽ നിന്നും ഇറങ്ങിപ്പോയി. അവർ രണ്ടാളും റൂമിൽ നിന്നും ഇറങ്ങി എന്ന് മനസ്സിലാക്കിയ ഉടനെ ഞാൻ വെളിയിൽ വന്ന് ഫോൺ എടുത്ത് ലീനയെ വിളിച്ചു. അവളോട് റെഡി ആയി നിൽക്കാൻ പറഞ്ഞു. ബസ് സ്റ്റോപ്പിൽ എത്തുന്നതിന് മുൻപ് ഞാൻ കാറുമായി വരുമെന്നും പറഞ്ഞ് നേരെ പല്ലുതേപ്പും കുളിയും കഴിച്ച് താഴേക്ക് വിട്ടു. ഞാൻ പോയി കഴിച്ച് കഴിഞ്ഞ് പുറത്തേക്ക് ഇറങ്ങാൻ നോക്കുമ്പോൾ അതാ വരുന്നു CID ഷിൽന. എന്നെ ഒറ്റയ്ക്ക് പുറത്ത് വിടാൻ അവൾ ഇതുവരെ സമ്മതിച്ചിട്ടില്ലായിരുന്നു. ഒന്നുകിൽ അവൾ കൂടെ വരും അല്ലെങ്കിൽ അച്ഛനെ പറഞ്ഞയക്കും. ഇന്നും അവൾ കയറി കാറിന്റെ മുൻ സീറ്റിൽ ഇരുന്നു.
: പോകാം…
: അല്ല നീ ഇത് എങ്ങോട്ടാ.. എടി ഞാൻ പെട്ടെന്ന് വരും. കൂടിപ്പോയാൽ ഒരു മണിക്കൂർ.
: അതൊന്നും കുഴപ്പമില്ല ഏട്ടാ… വൈകുന്നേരം ആയാലും കുഴപ്പമില്ല. ഒറ്റയ്ക്ക് പോകാൻ ഞാൻ വിടില്ല