🌹നവ്യാനുഭൂതി 4 🌹 [നവ്യ]

“ഹമ് …”

ഞാൻ അയാളുടെ കൂടെ അകത്തേക്ക് രവിയെട്ടനെ കാണാൻ പോയി . അകത്തു tv കണ്ടു കൊണ്ടിരിക്കുക ആയിരുന്നു അദ്ദേഹം .

” ഹായ് …. നവ്യ ……., എന്തൊക്കെ ഉണ്ട് വിശേഷം”

അത് ചോദിക്കുമ്പോളും അദ്ദേഹത്തിന്റെ മുഖത്തു നിഷലിക്കുന്ന വിഷമം എനിക്ക് കാണാമായിരുന്നു.

” സുഖം തന്നെ സാർ …”

” ഇവൻ കാര്യങ്ങൾ എല്ലാം പറഞ്ഞില്ലേ , കുറച്ചു  ദിവസത്തെ കാര്യം ഉള്ളു , അത് കഴിഞ്ഞാൽ നവ്യ ഇങ്ങു വന്നേക്കണം കേട്ടോ …”

“ഹമ് …”

എനിക്ക് വല്ലാത്ത നിരാശ തോന്നി , രവിയേട്ടന്റെ കൂടെ ഇരിക്കുമ്പോൾ ഞാൻ അനുഭവിച്ചിരുന്ന സന്തോഷം , അതിനി കുറച്ചു കാലത്തേക്ക് എനിക്ക് നഷ്ടമാകാൻ പോകുന്നു .

അപ്പോഴേക്കും രവിയേട്ടന്റെ മകന് ഒരു കോൾ വന്നു , അയാൾ ഫോണിൽ സംസാരിച്ചു കൊണ്ട് പുറത്തേക്ക് പോയി .

“നവ്യ …. ഇനി ഉള്ള ദിവസങ്ങൾ എനിക്ക് നിന്നെ മിസ്സ്‌ ചെയ്യും , നീ പോയാലും എന്നെ ഓർക്കുമോ ? നിന്റെ ഫോൺ നമ്പർ എനിക്ക് തരുമോ ?”

ഞാൻ എന്റെ നമ്പർ രവിയേട്ടന് കൊടുത്തു .

” രവിയേട്ട …..ലോൺ ഓക്കേ ആയി , ഇന്ന്  മാനേജരെ കണ്ടിരുന്നു , ഒരാഴ്ചക്കുള്ളിൽ എല്ലാം ഓക്കേ ആകും , താങ്ക്സ് … ഇച്ചായൻ രവിയേട്ടനോട് പ്രത്യേക നന്ദി പറയണം എന്ന് പറഞ്ഞിട്ടുണ്ട് ”

” ആണോ , congrats …. ചെലവ് ചെയ്യണം കേട്ടോ ”

” ചെയ്യാം രവിയേട്ട , ഞങ്ങൾ ഒരിക്കലും മറക്കില്ല ഈ ഉപകാരം ….”

” നവ്യ ഇനി വരുമ്പോൾ ചെലവ് ചെയ്താൽ മതി , പിന്നെ എന്ത് ആവശ്യം ഉണ്ടെങ്കിലും ചോദിയ്ക്കാൻ മറക്കരുത് , നവ്യയുടെ നല്ല ഒരു ഫ്രണ്ട് ആയിട്ട് എന്നെ കണ്ടാൽ മതി , കേട്ടല്ലോ ?”

“തീർച്ചയായും … എനിക്ക് വേറെ ഫ്രണ്ട് ആരുമില്ലല്ലോ …”

“കാര്യങ്ങൾ എല്ലാം നന്നായി നടക്കും നവ്യ … ഇടക്ക് വിളിക്കണം , മെസേജ് അയക്കണം കേട്ടോ …”

“ഹമ് …..”

അപ്പോളേക്കും രവിയേട്ടന്റെ മകൻ തിരിച്ചു വന്നിരുന്നു .

“നവ്യ …. ഇതാ ശമ്പളം … നോക്കിക്കേ ”

ഞാൻ അത് മേടിച്ചു എണ്ണി നോക്കി , 2 മാസത്തെ ശമ്പളം ഉണ്ടായിരുന്നു . ഞാൻ ഇതെന്താ എന്ന അർത്ഥത്തിൽ അയാളെ നോക്കി .

” നവ്യ … അത് അച്ഛന്റെ നിർബന്ധം ആണ് , നിങ്ങൾക്കും ആവശ്യങ്ങൾ ഉണ്ടാകുമല്ലോ , ”

ഞാൻ രവിയേട്ടനെ നന്ദിയോടെ നോക്കി , എന്റെ കണ്ണുകൾ നിറയുന്നുണ്ടോ ?

” നവ്യ …. അത് വച്ചോളു , നിന്റെ ഇച്ചായനെ ഞാൻ തിരക്കി എന്ന് പറയണം കേട്ടോ …”