Posted by ” പോണെങ്കിൽ പൊ അതിനു ഞാൻ എന്താ ചെയ്യേണ്ടത്,? ” ഞാൻ മനസ്സിലാവാത്തത് കൊണ്ട് ചോദിച്ചു.
” ഇവിടെന്ന് ഒന്ന് മാറി തന്നം ” പെണ്ണ് കലിപ്പിൽ ആണ്. അന്നേരം ആണ് ഞാൻ ശ്രദ്ധിച്ചത്, ഞാൻ ഇരിക്കുന്നത് ബാത്‌റൂമിലേക്ക് പോണ വഴിക്ക് ആണ്, ഞാൻ മാറിയാലേ അവൾക്ക് ബാത്‌റൂമിൽ കയറാൻ പറ്റൂ.
” അഹ് ഞാൻ ഇത്തിരി ബിസി ആണ് ഇത് തീർന്നു കഴിഞ്ഞു മാറി തരാം ” അങ്ങനെ ഇപ്പൊ നീ പോണ്ട.
” അങ്ങനെ വെയിറ്റ് ചെയ്യാൻ പറ്റിയ അവസ്ഥയിൽ അല്ല ഞാൻ മാറൂ ” ദേഷ്യം കൊണ്ട് വിറക്കുവാണ് അവൾ. അത്‌ എനിക്ക് അത്ര പിടിച്ചില്ല.
” പോടീ പോടീ ” ഞാനും വിട്ടില്ല.
” ഇനിയും മാറി തന്നില്ലേൽ ഞാൻ ഇവിടെ മുള്ളും ”
” അതായിരിക്കും നല്ലത് ” ഞാൻ ഒന്ന് ചൊടിപ്പിച്ചു.
” ന്നാ ശരി ” എന്നും പറഞ്ഞ് അവൾ അവളുടെ മിഡി പിടിച്ചുയർത്താൻ പോയി. ഞാൻ ഞെട്ടി എഴുന്നേറ്റു. ആ ഗ്യാപ്പി അവൾ ഓടി ബാത്‌റൂമിൽ കയറി. വാതിലിന്റ പുറത്ത് തല ഇട്ടിട്ടു അവൾ എന്നെ കൊഞ്ഞനം കുത്തി കാണിച്ചു. അത്‌ കണ്ടപ്പോ എനിക്ക് വിറഞ്ഞു ഞാൻ ഓടി ചെന്നപ്പോ അവൾ വാതിൽ അടച്ചു കളഞ്ഞു.
” ഡീ വാതിൽ തുറക്ക്, തുറക്കാൻ ” ഞാൻ കൊട്ടി വിളിച്ചു.
” ഇല്ല തുറക്കൂ ല്ല ”
” ഡീ, എനിക്ക് ജിമ്മിൽ പോണം ഇപ്പോഴേ വൈകി നീ വാതിൽ തുറന്നെ ” ഞാൻ പിന്നേം കൊട്ടി വിളിച്ചു.
” എന്നെ ഈ കോലത്തിൽ കാണാൻ ആഗ്രഹം ഉണ്ടേൽ അങ്ങ് പറഞ്ഞാ പോരെ എന്റെ കെട്ടിയോനെ ഞാൻ വാതിൽ തുറന്നു തരൂല്ലേ? ” കളിയാക്കുന്ന ടോണിൽ അങ്ങനെ അവൾ പറഞ്ഞു. പിന്നെ വാതലിന്റെ ലോക്ക് എടുക്കുന്ന ശബ്ദം കേട്ടു.
” തുറന്നിട്ടുണ്ട് കാണണം എങ്കിൽ വാ ” അവൾ അകത്തു നിന്ന് പറഞ്ഞു.
“എന്റെ പട്ടിക്ക് കാണണം ” എന്നും പറഞ്ഞ് കൊണ്ട് വാലു മുറിഞ്ഞ ദേഷ്യത്തിൽ ഒരു ട്രാക് സൂട്ടും ഇട്ടോണ്ട് ഞാൻ പുറത്തേക്ക് ഇറങ്ങി. ഇവൾക്ക് ഇത് എന്താ പറ്റിയെ?? ഇന്നലെ വരെ കണ്ട പെണ്ണെ അല്ല.
അവളോട്‌ ഉള്ള ദേഷ്യം കൂടി ജിമ്മിലെ പഞ്ചിങ് ബാഗിനോട് തീർത്തു.
” ഇന്ന് ഫുൾ ഫയർഡ് അപ്പ് ആണല്ലോ? ” നന്ദു. മറുപടി ഒന്നും കൊടുത്തില്ല, അവന്റെ തോളിൽ കിടന്ന ടർക്കി എടുത്തു വിയർപ്പ് തുടച്ചു.
” നന്ദാ, ഫസ്റ്റ് മാച്ച് ന്റെ ലിസ്റ്റ് വന്നു കേട്ടോ ” കോച്ച് ആണ്.
” KG ക്ലബുമായിട്ട് ആണ് ഫസ്റ്റ് ഫയിറ്റ്, ആസ് വീ പ്രെഡിറ്റഡ്, ജോൺ തന്നെ ആണ് നന്ദന്റെ ഒപ്പോണേന്റ്, അർജുന്റെ ഒപ്പോണേന്റ് പുതിയ ആൾ ആണ് ഒരു സുദേവ് ” കോച്ച് ചാർട്ട് കാണിച്ചു കൊണ്ട് പറഞ്ഞു. ഞാൻ ആ ചാർട്ട് എടുത്തു നോക്കിയപ്പോ അതിലെ ഫോട്ടോ കണ്ട് ഞാൻ ഒന്ന് ഞെട്ടി. ഇത് അവൻ അല്ലേ?? എല്ലാ കുരിശും കൂടി എന്റെ ജീവിതത്തിലേക്ക് തിരിച്ചു വരുവാണല്ലോ.
” എന്താടാ, എന്ത് പറ്റി? ” എന്റെ മുഖം മാറിയെന്നു തോന്നികൊണ്ട് ആവണം നന്ദു അങ്ങനെ ചോദിച്ചത്. അവൻ എന്റെ കയ്യിൽ നിന്ന് ആ ചാർട്ട് വാങ്ങി.
” ഇത് മറ്റേ അവൻ അല്ലേ ഡാ?? ”
” ah, ഞാൻ ഇന്നത്തെ പ്രാക്ടീസ് മതിയാക്കി, പോകുവാ ” ഞാൻ അവനോടും കോച്ചിനോടും പറഞ്ഞിട്ട് അവിടെ നിന്ന് ഇറങ്ങി.