എൻ്റെ മൺവീണയിൽ 21 [Dasan]

ഇടാം.
സീത: പിശുക്കൻ ആകല്ലേ. ഫോണിൻറെ പൈസ ഞാൻ കൊടുത്തോളാം. രണ്ടുപേർക്കും പുതിയ ഫോൺ.
ഞാൻ: ശരി….
ഞങ്ങൾ വീടെത്തി. രാത്രിയിൽ സീത നാട്ടിൽ പോകുന്ന കാര്യം അവതരിപ്പിച്ചു. ഇനിയിപ്പോൾ ചേട്ടനെ, ചേട്ടൻ എന്ന് എങ്ങനെ വിളിക്കും. അടുത്തദിവസം സീതയെ കാണുമ്പോൾ ഈ വിവരം അവതരിപ്പിക്കണം. പോകുന്ന കാര്യം പറഞ്ഞപ്പോൾ അവർക്കെതിരെ പറഞ്ഞില്ലെങ്കിലും മറ്റുള്ളവരും എൻറെ ബന്ധുക്കളും എന്തുപറയും എന്നുള്ള സംശയം ഉന്നയിച്ചു.
സീത: അങ്ങനെയെങ്കിൽ ചേട്ടൻ പറഞ്ഞതുപോലെ, അവരെ അറിയിക്കേണ്ട എന്ന് വെക്കാം.
ചേട്ടൻ: ഏത് ചേട്ടൻ?
ചെയ്ത് അല്പം നാണത്തോടെ എൻറെ നേരെ വിരൽ ചൂണ്ടി. ഉടനെ ചേട്ടനും ചേച്ചിയും പൊട്ടിച്ചിരിച്ചു. അത് കേട്ടതോടെ സീതാ മുറിയിലേക്ക് പൊയ്ക്കളഞ്ഞു.
ഞാൻ: ഞാൻ പറഞ്ഞിട്ടാണ് വിളി മാറ്റിയത്. അണ്ണൻ എന്ന് വിളിക്കുമ്പോൾ എന്തോ ഒരു അരോചകം.
ചേട്ടൻ: അതൊന്നും കുഴപ്പമില്ല അജയ. ഞങ്ങൾ തമാശക്ക് ചിരിച്ചതാണ്. മോൻ എന്താണ് പറഞ്ഞത്?
ഞാൻ: പറഞ്ഞത്, ചാകാൻ കിടന്നിട്ടു പോലും തിരിഞ്ഞു നോക്കാത്ത അവരെ ഒന്നും അറിയിക്കേണ്ട എന്നാണ് എൻറെ താല്പര്യം.
ചേട്ടൻ: ഞങ്ങൾക്ക് ഒരേയൊരു മകളെയുള്ളൂ, അത് നല്ല രീതിയിൽ നടത്തണമെന്ന് ഞങ്ങൾക്കുണ്ട്. മോൻറെ വീട്ടുകാരുമായി സഹകരിച്ച് നടത്തുന്നതിനോടാണ് ഞങ്ങൾക്ക് ഇഷ്ടം. അതുകൊണ്ട് മോൻ ഇതിനെതിരെ പറയരുത്.
ഞാൻ: ഞാൻ എതിര് പറയുന്നില്ല, പക്ഷേ ഇതിന് ആര് മുൻകൈ എടുക്കും. ഇവിടെനിന്ന് ആരെങ്കിലും ചെന്ന് അവർ എന്തെങ്കിലും മോശമായി നിങ്ങളോട് പറഞ്ഞാൽ അത് എന്നും നിങ്ങളുടെ മനസ്സിൽ ഒരു വ്രണമായി കിടക്കും.
ചേട്ടൻ: എന്നാൽ പിന്നെ നിങ്ങൾ തന്നെ പോകുന്നതാണ് നല്ലത്.
അങ്ങനെ ആ കാര്യത്തിൽ ഒരു തീരുമാനമായി. പിറ്റേ ദിവസം ഓഫീസിൽ ചെന്ന് കുറച്ചു കഴിഞ്ഞപ്പോൾ വർക്ക്ഷോപ്പുകാരനെയും വിളിച്ച് കാർ നോക്കാൻ പോയി. ടാറ്റ സഫാരി 2003 model, വർക്ക്ഷോപ്പ് കാരൻ ഒക്കെ പറഞ്ഞു. സിംഗിൾ ഓണർ ആണ് നല്ലവണ്ണം നോക്കുന്നതും ആണ്. അതിന് ഫൈനാൻസ് ഉണ്ട്, എൻറെ പേരിലേക്ക് ആക്കി തരാമെന്ന് പറഞ്ഞു. ലൈറ്റ് ഗ്രേ കളർ. അഡ്വാൻസ് കൊടുത്ത് വണ്ടി കൊണ്ട് പോന്നു. അടുത്ത ദിവസം പേപ്പറുകൾ റെഡിയാക്കാം എന്നും അപ്പോൾ ബാക്കിയുള്ള പൈസ കൊടുക്കാം എന്ന് പറഞ്ഞു. വണ്ടിയുമായി വീട്ടിലെത്തിയപ്പോൾ അവർ മൂന്നുപേരും കൂടി വണ്ടിയുടെ അടുത്തെത്തി.
സീത: ഇനി ഇത് എന്നാണാവോ വിൽക്കുന്നത്?
ഞാൻ അതിനു മറുപടി പറയാതെ റൂമിന് അകത്തേക്ക് കയറിപ്പോയി, പുറകെ സീത കയറിവന്നു.