Posted by ഉടനെ,
“”…അയ്യോടാ… എന്റെവാവ കരയണ്ടാട്ടോ… അങ്കിളൊരു പാട്ടുപാടിത്തരാം..!!”””_ ന്നുംപറഞ്ഞ്,
“”…താമരക്കണ്ണനുറങ്ങേണം… കണ്ണുംപൂട്ടിയുറങ്ങേണം..!!”””_ ന്നൊരു വരിയങ്ങോട്ടു കീച്ചീതേ, അറുക്കാൻകൊണ്ടുപോണ
കന്നാലി നിലവിളിയ്ക്കുമ്പോലൊരു വിളിയായ്രുന്നൂ ചെക്കൻ…
കേട്ടതും മീനാക്ഷിയൊറ്റച്ചിരിയും…
എന്നിട്ട്;
“”…എടാ നിന്റോടെ കുഞ്ഞിനെയുറക്കാനാ
പറഞ്ഞേ… അല്ലാതതിനെ പേടിപ്പിയ്ക്കാനല്ല..!!”””_ ന്നൊരു ഡയലോഗും…
“”…എന്നാ ഞാൻപേടിപ്പിയ്ക്കുന്നില്ല… പകരം നീയൊരു പാട്ടുപാടിക്കൊട്..!!””’
“”…പിന്നേ… പാട്ട്.! അതുംഞാൻ.! ഞാൻപാട്ടൊന്നും പാടൂല..!!”””
“”…ആ.! അതുഞാൻ മറന്നോയി.! നെനക്കു ഷാപ്പിൽക്കേറിയാലല്ലേ പാട്ടുവരൂ..!!”””_ ഞാനുംവിട്ടില്ല…
പക്ഷേയതുകേട്ടതും
കക്ഷികലിപ്പായി;
“”…ദേ… കൂടുതല് ഡയലോഗൊന്നുംവേണ്ട… ഉറക്കാമെങ്കിൽ ഉറക്ക്… ഇല്ലേ വെച്ചിട്ടുപോ..!!”””
“”…എന്നാലിന്നാ പിടിച്ചോ… എന്താന്നുവെച്ചാ നീതന്നെയൊണ്ടാക്ക്..!!”””_ ഞാനുംകലിപ്പായി കുഞ്ഞിനെ തിരിച്ചുനീട്ടികൊണ്ട് പറഞ്ഞതും മീനാക്ഷിയൊന്നടങ്ങി…
“”…അയ്യോ.! ഞാഞ്ചുമ്മാ പറഞ്ഞതാ… എന്നാലുമീ ചെക്കനെന്തിനാ ഇങ്ങനെകരയണേ..?? ഇനി വെശന്നിട്ടാവോ..??”””_ മീനാക്ഷിയെന്റെ മുഖത്തേയ്ക്കുനോക്കി…
“”…അതിനു ഫുഡ്ഡൊന്നും കൊടുക്കണ്ടെന്നല്ലേ
ചേച്ചിപറഞ്ഞേ..?? പിന്നെന്താ..??”””
“”…അറിയൂലാ… ഇനി ഉറക്കന്തെളിയാതെ എഴുന്നേറ്റാൽ കഴിയ്ക്കാനെന്തേലും കൊടുക്കണോങ്കിലോ..??”””_ എന്റെചോദ്യത്തിന് മീനാക്ഷിയുടെസംശയം മറുപടിയായെത്തീതും ഞാനുമാശങ്കയിലായി…