ചെറിയമ്മയുടെ സൂപ്പർഹീറോ 4[Hyder Marakkar]

റോഷൻ ഉച്ചയ്ക്ക് അവന്റെ സ്ഥിരം കുറ്റികളിൽ ഒന്നായ അലീഷയെയും പൊക്കി ഗസ്റ്റ്ഹൗസിലേക്ക് പോയത് കൊണ്ട് വൈകീട്ട് ഞാൻ ബസിന് വരേണ്ടി വന്നു

ബസ് ഇറങ്ങി ഫ്ലാറ്റിലേക്ക് നടക്കുന്നതിനിടയിൽ ആളൊഴിഞ്ഞ ഒരു സ്ഥലത്ത് എത്തിയപ്പോൾ ഒരു ജീപ്പ് വന്നു എന്റെ മുനിൽ ക്രോസ്സിട് നിർത്തി.

എനിക്ക് കാര്യം മനസിലാവുന്നതിന് മുന്നെ ജീപ്പിൽ നിന്നും ചാടിയിറങ്ങിയ തൂവാല കൊണ്ട് മുഖം മറച്ച ഒരുത്തൻ എന്റെ നെഞ്ചുംകൂട് നോക്കിയൊരു ചവിട്ടായിരുന്നു. അപ്രതീക്ഷിതമായ ചവിട്ടിൽ ഞാൻ പുറകോട്ടു അടിച്ച് വീണുപോയി, വീണു കിടന്ന എനിക്ക് നേരെ അവൻ കാലുയർത്തി വീണ്ടും ചവിട്ടാൻ വന്നപ്പോൾ ഞാൻ ഒഴിഞ്ഞു മാറി, അപ്പോഴേക്കും മൂന്നുപേര് കൂടി ജീപ്പിൽ നിന്ന് ഇറങ്ങി വന്നിരുന്നു, എല്ലാവരും മുഖം തൂവാല കൊണ്ട് മറച്ചിരുന്നു.

സംഭവം എട്ടിന്റെ പണിയാണെന്ന് മനസിലായി, ഞാൻ ഒന്ന് ചുറ്റും നോക്കി ഒരു ഈച്ച പോലുമില്ല, എഴുന്നേറ്റു ഓടാൻ പറ്റിയില്ല,
ഞാൻ എഴുന്നേൽക്കുന്നതിനു മുന്നെ നാലുപേരും എന്റെ ചുറ്റും കൂടി നിന്ന് തൊഴിക്കാൻ തുടങ്ങി, എനിക്ക് എഴുന്നേൽക്കാൻ അവസരം തരാതെ അവർ എന്റെ ചുറ്റും നിന്ന് ചവിട്ടി കൂടി, ഇടയ്ക്ക് ഒരു ഗ്യാപ് കിട്ടിയപ്പോൾ ഒരുത്തന്റെ കാലുപിടിച്ച് ഞാൻ അവനെ തള്ളിയിട്ടു, അവൻ താഴേക്ക് വീണ ആ നിമിഷം മുതലെടുത്തു കൊണ്ട് ഞാൻ ചാടി എഴുന്നേറ്റ് ബാക്കി മൂന്ന്പേരിൽ ഒരുത്തന്റെ മൂക്കിനിട്ട് ചാടിയൊരു പഞ്ച് കൊടുത്തു. അപ്പോഴേക്കും വേറൊരുത്തൻ എന്റെ കരണം നോക്കിയൊന്ന് തന്നു
ഒന്ന് പിന്നോട്ട് വെച്ചു പോയെങ്കിലും നിലത്ത് കിടന്ന ഒരു കല്ല് എന്റെ കണ്ണിൽ പെട്ടു, ഞൊടിയിടയിൽ ആ കല്ലെടുത്തു ഇടത്തെ കൈക്കുള്ളിൽ വച്ച് ഞാൻ ഓരോരുത്തരെയായി കുത്താൻ തുടങ്ങി, കല്ലും കൂടിയുള്ള, നല്ല കിണ്ണം കാച്ചിയ പഞ്ചുകൾ, ഓരോ പഞ്ചിലും ഓരോരുത്തരായി വീഴുന്നുണ്ട്, ആദ്യം ഇറങ്ങി വന്നു എന്റെ നെഞ്ചിൽ ചവിട്ടിയവന്റെ മൂക്കിനിട്ട് കൊടുത്ത പഞ്ചിൽ അവന്റെ മൂക്കിൽ നിന്ന് ചോര തെറിച്ചു.
വീണു കിടന്ന ഒരുത്തൻ വീണ്ടും എഴുന്നേൽക്കാൻ നോക്കിയപ്പോൾ ഞാൻ അവന് നേരെ തിരിഞ്ഞു, പക്ഷെ അവനെ തല്ലുന്നതിന് മുന്നെ എന്തോ വന്നു എന്റെ തലയിൽ ഇടിച്ചു, നല്ല വേദന…. സഹിക്കാൻ പറ്റുന്നില്ല….. ഞാൻ നിലത്തേക്ക് ഇരുന്നുപോയി……. തലയിൽ നിന്ന് ചോര ഒലിക്കുന്നുണ്ട്, തല പൊത്തിപ്പിടിച്ച് മുട്ടുകുത്തി ഇരുന്നപ്പോഴേക്കും അടുത്ത അടി എന്റെ പുറത്ത് കിട്ടി, ആ അടിയിൽ ഞാൻ കിടന്നുപോയി. വേദന കൊണ്ട് നിലത്ത് കിടന്നുപോയപ്പോൾ തലങ്ങും വിലങ്ങും കട്ടിയുള്ള എന്തോ ആയുധം വച്ചുള്ള അടികൾ ആയിരുന്നു, സഹിക്കാൻ പറ്റാത്ത വേദന ദേഹം മൊത്തം, അവസാനം ബോധം പോവുമ്പോൾ തലയുടെ വേദനയേക്കാൾ വലത്തേ കാലിന്റെ വേദനയായിരുന്നു അസഹനീയം.